ഇരിങ്ങാലക്കുട: ആര്ക്കും സമീപിക്കാവുന്ന, ആരിലേക്കും ഇറങ്ങിച്ചെല്ലുന്ന ലാളിത്യത്തിന്റെ സുവിശേഷവും വിശുദ്ധിനിറഞ്ഞ ആത്മീയാചാര്യനുമായിരുന്നു മാര് ജെയിംസ് പഴയാറ്റിലെന്നും അദ്ദേഹത്തിന്റെ ജീവിതമാതൃക ഇരിങ്ങാലക്കുട രൂപതയ്ക്ക് എന്നും പ്രചോദനമാണെന്നും ബിഷപ് മാര് പോളി കണ്ണൂക്കാടൻ.
രൂപതയുടെ പ്രഥമ ബിഷപ് മാര് ജെയിംസ് പഴയാറ്റിലിന്റെ പത്താം ചരമവാര്ഷികാചരണത്തിന്റെ ഭാഗമായി ഇരിങ്ങാലക്കുട സെന്റ് തോമസ് കത്തീഡ്രലില് നടന്ന അനുസ്മരണ ദിവ്യബലിയിൽ മുഖ്യകാര്മികത്വം വഹിച്ചു സന്ദേശം നൽകുകയായിരുന്നു ബിഷപ്.
രൂപത വികാരി ജനറാള്മാരായ മോണ്. ജോസ് മാളിയേക്കല്, മോണ്. വില്സണ് ഈരത്തറ, മോണ്. ആന്റു ആലപ്പാടന്, കത്തീഡ്രല് വികാരി ഫാ. ഡോ. ലാസര് കുറ്റിക്കാടന് എന്നിവരും പത്ത് ഫൊറോന വികാരിമാരും സന്യസ്ത സഭകളുടെ പ്രതിനിധികളായി ക്രൈസ്റ്റ് കോളജ് മാനേജർ ഫാ. ജോയ് പീണിക്കപ്പറന്പിൽ, ഡോൺബോസ്കോ റെക്ടർ ഫാ. എമ്മാനുവേൽ വട്ടക്കുന്നേൽ എന്നിവരും സഹകാര്മികരായിരുന്നു.
രൂപതാ ചാന്സലര് ഫാ. കിരണ് തട്ട്ള, ഫിനാന്സ് ഓഫീസര് ഫാ. ലിജോ കോങ്കോത്ത്, ഫാ. ബെല്ഫിന് കോപ്പുള്ളി തുടങ്ങിയവര് നേതൃത്വം നല്കി.
Deepika
E-paper LOGIN
LOGIN
